Requirements
مش محتاج تكون عارف أي برامج تانية
لو عندك خلفية في أي برنامج ثري دي تاني أو برنامج الأوتو كاد فدي إضافة كويسة. بس كدا كدا حنبدأ من الأول
تماماً
Description
الكورس مجاني غير هادف للربح. الهدف منه المساهمة في إثراء المحتوى العلمي العربي على الإنترنت.
في الكورس دا حنبدأ من الأساسيات أبتداءً من أيه الراينو دا ؟ و بيستخدم في أيه ؟ إلا أننا نوصل أننا نعمل بيه مشروع كامل و نطلع منه رسومات و نستخدمها في برامج تانية.
الأمثله كلها في الكورس دا حتبقى مركزة على مشاريع معمارية. إلا أن الناس الفي مجاللات تانية زي
Product Design / Furniture Design / Jewelry Design
يقدروا بردوا يتعلموا منه و يستفادوا لأن هي هي نفس ال tools بتستخدم في جميع المجالات و لكن بتطبيقات مختلفة.
الكورس معمول بحيث أنه يغطي أكتر كم من المعلومات في أقل وقت ممكن. مدة الكورس ساعتين و نص. مكون من ٥ أجزاء فيهم ١٨ فيديو.
الفيديو الواحد بيبقى تقريباً في حدود ال ٨ دقائق و نص.
أول جزء حيبدأ بتعريف عن البرنامج و أستخدماته.
في الجزء البعده حنتعرف على أساسيات ال
Navigation / Selection / snaps / constrains / transformations
في تالت جزء حنشوف أزاي نقدر نجيب رسومات من الأوتوكاد و ندخلها في الراينو. و ننضف الفايل و نظبطه بالشكل اليناسبنا علشان نعرف نستخدمه في الموديل بتاعنا
بعد كدا في الجزء الرابع حنتعرف على أساليب متطورة أكتر في بناء الأشكال و حنشوف أزاي نقدر نستخدم حاجات زي ال
Groups & blocks
علشان نوفر وقت و نقلل حجم الفايل بتاعنا.
إلا أن نصل للموديل النهائي الحنعرف أزاي نقدر نطلع منه رسومات و نظهره بطرق مختلفة علشان نوريه للعميل من غير ما نحتاج نعمل رندر.
و أخيراً في الجزء الخامس حنشوف موتقع مفيدة عليها حاجات نقدر نستخدمها علطول في مشاريعنا علشان نوفر وقت.
طريقة الشرح في الكورس دا حتبقي ماشية بطريقة عملية. كل حاجة بتتقال حيبقى في شرح ليها بأمثلة دا غير أننا حنبقى شغالين من أول الكورس لأخره على مبنى صغير حنجرب عليه الحاجات البنتعلمها.
بمجرد أنك تشترك في الكورس دا حتقدر تتفرج عليه فى أي وقت إلا ما لا نهاية. دا غير أن أي تجديد أو إضافة حتحصل عليه حتقدر تشوفها ببلاش من غير أي إشتراكات تانية.
Who this course is for:
لو أنت طالب عمارة أو حديث التخرج أو حتى شغال في المجال و عايز تتعلم راينو و خبرتك فيه قليلة أو معدومة. فالكورس دا مناسب ليك
ولو أنت في مجال تاني غير عمارة بيحتاج الراينو تقتدر ننعلم بردو من الكورس دا لأن هي هي نفس الأدوات بتستخدم في جميع المجالات و لكن بتطبيقات مختلفة
or
or